13:27 Putin va Trampning Argentinadagi uchrashuv vaqti ma'lum bo‘ldi | |
Rossiya va AQSh prezidentlari Vladimir Putin hamda Donald Trampning Argentinadagi «katta yigirmatalik» sammiti doirasida uchrashuvi 1 dekabrga rejalashtirilgan. Bu haqda «RIA Novosti» delegatsiyalardan biridagi manbaga asosan xabar tarqatdi. «Putin va Tramp o‘rtasidagi uchrashuv Argentinada tashkil etiladigan G20 sammiti maydonlarida Moskva vaqti bilan soat 17:30ga rejalashtirilgan», - deya ma'lum qilgan manba. Bundan tashqari, u muzokaralar ikki soat davom etishi kerakligini aytib o‘tdi. Eslatib o‘tamiz, avvalroq Donald Tramp Kerch bo‘g‘ozidagi hodisa tufayli Argentinada tashkillashtiriladigan G20 sammitida hamkasbi Vladimir Putin bilan uchrashuvni bekor qilishi mumkin ekanini bildirgandi. Qo‘shma Shtatlar yetakchisining so‘zlariga ko‘ra, uchrashuvni bekor qilish sababi unga «tajovuzkorlik» yoqmasligida.
| |
|
| |
| Всего комментариев: 0 | |